ఈ రోజు రాత్రి 8:30 నుండి 9:30 (IST) వరకు విద్యుత్ ఉపకరణాలను నిలిపివేయడం ద్వారా మీరూ పాటించండి.
విదేశాలలో ఉన్న మిత్రులు కూడా మీ మీ దేశాల టైం జోన్ ప్రకారం 26th మార్చ్ 2011 శనివారం రాత్రి 8:30 నుండి 9:30 వరకూ విద్యుత్ ఉపయోగం నిలిపి వేసి క్యాండిల్ లైట్ డిన్నర్ చేసి భూమిని కాపాడుకోవడంలో మీ వంతు భాధ్యత నిర్వర్తించండి. మరిన్ని వివరాలకు కింది లింకులు చూడండి.
Earth Hour 2011 will take place on Saturday 26 March at 8.30PM (local time). This Earth Hour we want you to go beyond the hour, so after the lights go back on think about what else you can do to make a difference. Together our actions add up.
Earth Hour started in 2007 in Sydney, Australia when 2.2 million individuals and more than 2,000 businesses turned their lights off for one hour to take a stand against climate change. Only a year later and Earth Hour had become a global sustainability movement with more than 50 million people across 35 countries/territories participating. Global landmarks such as the Sydney Harbour Bridge, CN Tower in Toronto, Golden Gate Bridge in San Francisco, and Rome’s Colosseum, all stood in darkness, as symbols of hope for a cause that grows more urgent by the hour.
In March 2009, hundreds of millions of people took part in the third Earth Hour. Over 4000 cities in 88 countries/territories officially switched off to pledge their support for the planet, making Earth Hour 2009 the world’s largest global climate change initiative.
On Saturday 27 March, Earth Hour 2010 became the biggest Earth Hour ever. A record 128 countries and territories joined the global display of climate action. Iconic buildings and landmarks from Asia Pacific to Europe and Africa to the Americas switched off. People across the world from all walks of life turned off their lights and came together in celebration and contemplation of the one thing we all have in common – our planet.
http://www.earthhour.org/SpreadTheWord.aspx
http://www.earthhour.org/tools/banners/Banners.aspx
26, మార్చి 2011, శనివారం
24, ఫిబ్రవరి 2011, గురువారం
రమణా మీకిది తగునా !!
ఎంతపని చేశావయ్యా రమణా... అప్పుడే అంత తొందరేం వచ్చిందని...
నాలాంటి నీ అభిమానుల కోసమో.. నీలాంటి నీ ప్రాణమిత్రుడు బాపూ కోసమో..
తెలుగు తనం కోసమో.. గిలిగింతలు పెట్టే హాస్యం కోసమో.. వ్యంగ్యం కోసమో..
మరికొన్నాళ్ళుంటే నీ సొమ్మేం పోయింది...
ఆ పై వాడు కబురంపగానే లగెత్తుకుని వెళ్ళిపోవడమేనా !!
“ఝాఠర్ ఢమాల్ !! నేనప్పుడే రాను.. తెలుగు పాఠకులకు అందించాల్సిన అమృత గుళికలు ఇంకా చాలా ఉన్నాయ్ నువ్వు ఇప్పుడెళ్ళి మళ్ళీ ఒక ఫ్ఫదీ ముఫ్పై ఏళ్ళ తర్వాతెప్పుడైనా రా పో !! అని అంటే ఆ దేవుడు మాత్రం కిమ్మనకుండా వెనుదిరిగి వెళ్ళిపోయుండేవాడు కాదూ...
ఓహో కష్టాలను కూడా ఇష్టాలుగా నవ్వుతూ అలవోకగా భరించేయండిరా అని నువ్వు నేర్పిన నీతిని మేమెంత బాగా పాటిస్తున్నామో పైనుండి చూడాలని వెళ్ళిపోయావా.. మాకు నీ అంత గుండెధైర్యమెక్కడిదయ్యా... నువ్వు లేవని ఇక పై రాయలేవనీ.. గుండె చెరువయ్యేలా తెలుగు తెలిసిన ప్రతిఒక్కరూ కంటికీ మంటికీ ఏకధారగా ఏడుస్తూనే ఉన్నారే రాత్రినుండీ :-( మా ఈ దుఃఖ్ఖం ఆగేదెపుడు.. నీ ప్రాణ స్నేహితుడు బాపూను ఓదార్చగలిగేదెవరు..
22, ఫిబ్రవరి 2011, మంగళవారం
కసబ్ ను ఉరితీయద్దు
ఇది సెటైర్ కాదు సీరియస్ గా చెప్తున్నాను కసబ్ ను ఉరి తీయవద్దని భారత ప్రభుత్వానికి చెప్పండి, నేను కసబ్ ను శిక్షించద్దు అని అనడంలేదు ఉరితీయద్దు అని మాత్రమే అంటున్నాను. మానవతావాదం, కరుణ, ప్రాణం పోసేవాడికే తీసే హక్కులాంటి వాదనలు అన్ని పక్కన పెట్టి నేను చెప్పేది ఒక్కసారి ఆలోచించండి.
బహిరంగంగా ఉరితీయాలి కాల్చి చంపాలి అని వాదించే వాళ్ళంతా ఒకసారి ఆలోచించండి. ఏ శిక్షకైన పరమార్ధం ఏమిటి ఆ శిక్షకు బయపడి ఇతరులు అదేనేరం చేయకుండా ఆపడానికి, అతను చేసిన నేరానికి తగిన పరిహారం చెల్లించడానికి. కాని వాడు చేసిన మారణకాండకి ప్రతిగా రెండు నిముషాల్లో ప్రాణం పోయేలా ఉరి తియడం సమన్యాయమేనా ? ఆలోచించండి...
ఇటువంటి ఉద్యమంలో చేరినపుడే లెక్కచేయని వాడి ప్రాణాలు తీసి మనం సాధించేదేమిటి ? ఈ దేశంలో అడుగుపెట్టి అందరి ప్రాణాలతో చెలగాటమాడి ప్రాణాలతో తిరిగి వెళ్దామనే వాడీ దేశం వచ్చాడని మీరు నమ్ముతున్నారా ?? ఈ మిషన్ కి అంగీకరించినపుడే వాడు చావుకు సిద్దమై ఉంటాడు. అందుకే వాడు కోరుకున్న మరణాన్ని అంత సులువుగా అతనికి అందించకండి.
పూర్తి ఆరోగ్యవంతుడ్ని చేసి కట్టుదిట్టమైన బద్రత మధ్య జైల్లోనే ప్రత్యక్ష నరకం చూపిస్తూ చిత్రహింసలు పెట్టండి... బ్రతికి ఉన్న ప్రతి క్షణం ఇటువంటి పని చేసినందుకు పశ్చాత్తాపంతో కుమిలి పోతూ మరణం కోసం ఎదురు చూసేలా చేయండి... గల్ఫ్ దేశాలలో అమలు పరిచేలా ప్రాణం పోకుండా హింసకు గురిచేసే అమానవీయ శిక్షలు విధించి ఆ హింసలను వీడియో తీసి ఆ వీడియోలను ఇటువంటి రాక్షసులను తయారు చేసే దేశాలలో ప్రసారం చేయండి.
ఆ శిక్షలు ఎంత భయంకరంగా ఉండాలంటే ఈ దేశం మీద మరోసారి ఇలాంటి దాడి చేయాలన్న ఆలొచన రావడానికి కూడా అందరూ భయపడాలి. అంతే కానీ కేవలం మరణశిక్ష విధించడంవల్ల ఏ విధమైన ఉపయోగం ఉండదు అందుకే కసబ్ ను ఉరితియద్దు... వాడికి ప్రత్యక్షనరకం అంటే ఏమిటో రుచి చూపించండి.
బహిరంగంగా ఉరితీయాలి కాల్చి చంపాలి అని వాదించే వాళ్ళంతా ఒకసారి ఆలోచించండి. ఏ శిక్షకైన పరమార్ధం ఏమిటి ఆ శిక్షకు బయపడి ఇతరులు అదేనేరం చేయకుండా ఆపడానికి, అతను చేసిన నేరానికి తగిన పరిహారం చెల్లించడానికి. కాని వాడు చేసిన మారణకాండకి ప్రతిగా రెండు నిముషాల్లో ప్రాణం పోయేలా ఉరి తియడం సమన్యాయమేనా ? ఆలోచించండి...
ఇటువంటి ఉద్యమంలో చేరినపుడే లెక్కచేయని వాడి ప్రాణాలు తీసి మనం సాధించేదేమిటి ? ఈ దేశంలో అడుగుపెట్టి అందరి ప్రాణాలతో చెలగాటమాడి ప్రాణాలతో తిరిగి వెళ్దామనే వాడీ దేశం వచ్చాడని మీరు నమ్ముతున్నారా ?? ఈ మిషన్ కి అంగీకరించినపుడే వాడు చావుకు సిద్దమై ఉంటాడు. అందుకే వాడు కోరుకున్న మరణాన్ని అంత సులువుగా అతనికి అందించకండి.
పూర్తి ఆరోగ్యవంతుడ్ని చేసి కట్టుదిట్టమైన బద్రత మధ్య జైల్లోనే ప్రత్యక్ష నరకం చూపిస్తూ చిత్రహింసలు పెట్టండి... బ్రతికి ఉన్న ప్రతి క్షణం ఇటువంటి పని చేసినందుకు పశ్చాత్తాపంతో కుమిలి పోతూ మరణం కోసం ఎదురు చూసేలా చేయండి... గల్ఫ్ దేశాలలో అమలు పరిచేలా ప్రాణం పోకుండా హింసకు గురిచేసే అమానవీయ శిక్షలు విధించి ఆ హింసలను వీడియో తీసి ఆ వీడియోలను ఇటువంటి రాక్షసులను తయారు చేసే దేశాలలో ప్రసారం చేయండి.
ఆ శిక్షలు ఎంత భయంకరంగా ఉండాలంటే ఈ దేశం మీద మరోసారి ఇలాంటి దాడి చేయాలన్న ఆలొచన రావడానికి కూడా అందరూ భయపడాలి. అంతే కానీ కేవలం మరణశిక్ష విధించడంవల్ల ఏ విధమైన ఉపయోగం ఉండదు అందుకే కసబ్ ను ఉరితియద్దు... వాడికి ప్రత్యక్షనరకం అంటే ఏమిటో రుచి చూపించండి.
21, ఫిబ్రవరి 2011, సోమవారం
గగనం సినిమా చూడద్దు..
పులిని చూసి నక్కవాత పెట్టుకున్నట్లు హాలీఉడ్ ని చూసి టాలీఉడ్ అని పేరు పెట్టుకుంటాం కానీ వాళ్ళని చూసి వాళ్ళలా సినిమాను సినిమాగా చూపించే మంచి సినిమాలు తీయాలని అనుకుంటే ఎలా !! ఒకవేళ పొరపాటున ఎవరైనా తీసినా వాటిని చూసి హిట్ చేసేస్తే ఎలా !! అందుకే ఈ సినిమా ఎవరూ చూడకుండా సినిమాను అట్టర్ ప్లాప్ చేస్తే కానీ ఈ దర్శక నిర్మాతల తిక్క కుదరదు.. మళ్ళీ ఇలాంటి సినిమాల జోలికి వెళ్ళకుండా ఉంటారు. అపుడు మనం ఎంచక్కా ఒక వెకిలి హీరోను మాస్ పేరు చెప్పుకుని అతను చెప్పే నాలుగు బూతు డైలాగులు, ఊర ఫైట్లు.. ఇద్దరేసి హీరోయిన్లు, వాళ్ళ అంగాంగ ప్రదర్శనలు, రెచ్చగొట్టే పాటలు, దిక్కుమాలిన ప్రేమకథలు, ఫ్యాక్షన్ కథలు, మితిమీరిన హింస, వెకిలి హాస్యం ఇలాంటి నవరసాలు రంగరించి వండి వార్చిన ఫార్ములా సినిమాలు చూసుకుంటూ తెలుగు సినిమా రోజు రోజుకూ దిగజారిపోతుందని స్టేట్మెంట్ లు ఇచ్చుకుంటూ ఆనందంగా కాలం గడపవచ్చు.
అసలా రాధామోహన్ కి సినిమాలు తీయడం రాదండీ.. నాగార్జున లాంటి రొమాంటిక్ హీరోని పెట్టుకుని ఒక అందమైన హీరోయిన్ ని పెట్టకుండా, రొమాంటిక్ సీన్స్ లేకుండా, మాంచి పాటలు లేకుండా సినిమా తీయాలని ఎలా అనిపించిందండీ అతనికి పైత్యం ప్రకోపించడం కాకపోతే... ఇతని విషయం ఇంతకు ముందే ఆకాశమంత సినిమా తీసినపుడే చెప్పానండీ నేను, త్రిషలాంటి అందమైన హీరోయిన్ డేట్స్ పెట్టుకుని ఎక్స్పోజింగ్ లేకుండా జిల్లుమనే డ్యాన్సులు లేకుండా తండ్రీకూతుళ్ళ ఎమోషన్స్ మీద సినిమా తీయడం ఏంటండి.
ఇతనికి ప్రేక్షకులనాడి పట్టుకోవడం తెలీదండీ ఏదో తను నమ్మిన సిద్దాంతం ప్రకారం మంచిసినిమా అని తను అనుకున్న విధంగా సినిమా తీయడం మాత్రమే తెలుసండీ.. ఇలాంటివాళ్ళు ఇండస్ట్రీలో ఎక్కువ కాలం బ్రతకలేరండీ నేను చెప్తున్నాను కదా మీరే చూస్తారు చూడండి. అందుకే చెప్తున్నానండీ ఒకళ్ళిద్దరు బాగుంది అన్నంత మాత్రాన ఈ సినిమాని మీరు చూసి ప్రోత్సహించద్దండీ.. తెలుగు సినిమాని ఇలాగే సర్వనాశనమైపోనిద్దాం... ఎవరైనా మంచి సినిమాలు తీసి దిశానిర్దేశం చేసే ప్రయత్నం చేస్తే వాళ్ళ సినిమాలు ఫ్లాప్ చేసి వాళ్ళకి బుద్ది చెబుదాం...
ఇంక ఈ సినిమాలో అసలు హాస్యం లేదండీ.. ఉన్నా నవ్వురాలేదండీ.. హాస్యమంటేనండీ చిన్నకమెడియన్ ని పెద్దకమెడియన్స్ తన్నడమో, అక్రమసంభంధాలో, బూతు డైలాగులో, మాడా వేషాలో ఉండాలి కానండీ ఈ సినిమాలోలా ప్రత్యేకంగా క్యామిడీ ట్రాక్ లేకుండా సన్నివేశాల్లో కలిసిపోయే అదేదో సటిల్(subtle) హ్యుమర్ అంటారంట కదా అలాంటిది ఉంటే ఎలా అర్ధమవుద్దండీ.. అసలు అలాంటి కామెడీ పెట్టి ఎవుడన్నా సినిమాతీస్తారుటండీ.. ఆకాశమంత లోకూడా ఇంతే కదండీ అలాంటి కామెడీనే ఉంటదండి చాలా సిరాకేసిద్దండీ ఆ సినిమా అందుకే... ఈ సినిమాలొ కామెడీ కూడా అంతేఉందండి...
ఇంకా నాతో పాటు సినిమాచూసినోళ్ళు స్క్రీన్ ప్లే చాలా చక్కగా అల్లుకున్నాడు రా ఎక్కడా బోర్ కొట్టకుండా మంచి ట్విస్ట్ తో గ్రిప్పింగ్ గా రాసుకున్నాడు అంటున్నారండీ.. నాకైతే ఏమంత గొప్పగా అనిపించలేదండీ ఐనా ఈ ట్విస్ట్ లు ఏం ట్విస్ట్ లు మొన్నటికి మొన్న రగడ సినిమాలో చూశారా నా సామిరంగ ఎన్ని ట్విస్ట్ లో అయ్యండీ ట్విస్ట్ లంటేనూ ఈ సినిమాలోదికూడా ఒక ట్విస్టేనా... ఏదేమైనా మీరు మాత్రం మీకు తెలిసినవాళ్ళకందరికీ చెప్పండేం ఈ సినిమాని పొరపాటున కూడా చూడద్దని చూసి మంచి సినిమాలని అస్సలు ప్రోత్సహించద్దనీ మర్చిపోకుండా చెప్పండి.
16, ఫిబ్రవరి 2011, బుధవారం
ఏక్ మినిట్!! అబ్బా తమ్ముడూ!!
ఈ బ్లాగ్ ఇలా "అలా మొదలైంది" సినిమా కి సంబందించిన పోస్ట్ తో మొదలు పెడుతున్నందుకు చాలా హ్యాప్పీస్. ఇప్పటికే ఈ సినిమా మీలో చాలా మంది చూసి ఉంటారు. లేదంటే తప్పక చూసేయండి మిస్ అవకూడని ఒక మంచి సినిమా అలా మొదలైంది. ఈ సినిమాలో నాకు బాగా నచ్చిన ఒక పాత్ర గురించి పరిచయం చేద్దామని ఈ పోస్ట్.
ఐస్ ఏజ్ సినిమా చూసిన వారికి అందులోని ఉడుత గుర్తుండే ఉంటుంది. దాన్ని Scrat ("saber-toothed squirrel") అంటారు Scrat is obsessed with acorns, constantly putting his life in danger to obtain and defend them. ఆ ప్రాసెస్ లో దాని లైఫ్ ని ఇతరుల లైఫ్ ని నానా కష్టాలలో పడేస్తుంది విపత్తులను సృష్టిస్తుంది. అలామొదలైందిలో మన గౌతం కూడా సరిగ్గా అలాంటి పాత్రే... ఇతను ఓ సాఫ్ట్వేర్ ఇంజనీర్ రిసెషన్ లో జాబ్ పోయిందిట ఏ పనైనా చేయడానికి సిద్దం కానీ పెళ్ళి ఇంట్లోకి వెళ్తే తాగున్నాడని ఎవరూ లెక్కచేయడంలేదు ఏదో పని ఇప్పించండి తమ్ముడూ అని తిరుగుతుంటాడు అలాంటివాడికి పెళ్ళికూతురిని కిడ్నాప్ చేయాలన్న ఐడియా వినపడుతుంది. ఇక మనవాడు ఆ మాట పట్టుకుని సినిమా క్లైమాక్స్ లొ చెడుగుడు ఆడేసుకున్నాడు. ఈ సినిమా చివర్లో ఇతని ద్వారా సృష్టించిన హాస్యం చాలా నవ్వించింది. ఒక తాగుబోతు పాత్రలో జీవించాడు.
నిజానికి నాకు సినిమాల్లో తాగుబోతు పాత్రలు సృష్టించే హాస్యం చాలా ఇష్టం, ఇప్పటి వరకూ ఎంత మంది వేసినా ఈ పాత్రలో ప్రతిసారి ఏదో ఒక కొత్తదనం తీసుకు రావడంలో దర్శకులు సక్సెస్ అవుతూనే ఉంటారు. తెలుగు సినిమాల్లో ఎంఎస్ నారాయణ ఇప్పటివరకు ఇలాటి పాత్రల్లో రాణించేవారు, ఇపుడు ఇతను విపరీతంగా నవ్విస్తున్నాడు. ఊగిపోవడం తల ఊపడం అచ్చంగా అలానే అనుకరిస్తున్నాడు. ఇంత టాలెంట్ అండ్ అబ్సర్వేషన్ ఎక్కడిదయ్యా అని కాస్త వివరాలు కనుక్కుంటే తెలిసిన విషయం అతనిపై అభిమానం మరింత పెంచింది. తను చిన్నప్పుడు తన తండ్రి తాగివచ్చి అమ్మని కొట్టేవాడనీ ఆయన మళ్ళీ బయటకి వెళ్ళాక అమ్మని నవ్వించడానికి తన తండ్రిని అనుకరించి తాగుబోతులా నటించేవాడినని అలాగే అంత పర్ఫెక్ట్ మ్యానరిజమ్స్ అలవాటయ్యాయని చెప్పాడు. ఒక విషాదం నుండి వినోదాన్ని జీవనోపాధిని వెతుకున్న ఇతన్ని అభినందించాల్సిందే.. అతనికి ప్రోత్సాహాన్ని అందిస్తున్నవారిని కూడా అభినందించాలి.
ఇదివరకే జగడం, మహత్మ లాంటి ఒక పది సినిమాలు వరకూ నటించినా మహాత్మ లో కాస్త పేరు వచ్చింది తర్వాత ఈ సినిమాతోనే మళ్ళీ ఇంత పేరు తెచ్చుకున్నాడు. మహత్మ సినిమాలో కూడా ఎవడు మందు పోయిస్తే ఆ పార్టీవాడికి జైకొట్టే పాత్రలో జీవిస్తాడు ఆ సినిమాలో సైతం అతనున్న సీన్స్ లో ఫోకస్ అతని మీద లేకపోయినా నిజంగా తాగిన వ్యక్తి ఎలా ఐతే ఆ మొత్తం సన్నివేశానికి ఎలా రియక్ట్ అవుతాడో అలా తన పరిధిలో తను నటించేసి ఊగిపోతూ తమాషాగా తల ఊపుతూ చొక్కా చేతులు మడుస్తూ కొట్లటకు సిద్దపడుతూ ఆకట్టుకుంటాడు. ఇండస్ట్రీలో తాగుబోతు రమేష్, మహత్మా రమేష్ గా ఇప్పటికే పేరు తెచ్చుకున్న ఈ నటుడు మరిన్ని మంచి పాత్రలు చేసి వృద్దిలోకి రావాలని కోరుకుంటున్నాను.
